राज्यसेवा पूर्व झाली.. आता combine गट ब ची तयारी !!

दि. 5 जानेवारी 2024 ला आपण आतुरतेने वाट पाहणाऱ्या combine गट ब ची पूर्व परीक्षा होत आहे.. या निमित्ताने विद्यार्थी म्हणून आपली भूमिका कशा पद्धतीने असायला हवी ?

Combine 2024 च्या पूर्व परीक्षेचा अभ्यास करण्याऱ्या विद्यार्थ्यांचे दोन गटात वर्गीकरण करता येईल.

१. Core फक्त गट ब पूर्व चा अभ्यास करणारे विद्यार्थी

२. राज्यसेवा व combine दोन्ही करणारे विद्यार्थी

१. पहिल्या गटातील विद्यार्थ्यांबाबतीत बोलायचं झालं तर हे विद्यार्थी तब्बल 3 महिने झाले, combine पूर्व चा अभ्यास करत आहेत. ( combine ची date जाहीर झाल्यापासून) त्यामुळे या विद्यार्थ्यांचा basic book reading, नोट्स

तयारी व PYQ विश्लेषण झाले असेल अशी अपेक्षा आहे. त्यामुळे ज्यांनी हे टप्पे पूर्ण केले आहेत त्या विद्यार्थ्यांनी रोज किमान 1 पेपर वेळ लावून सोडवणे अत्यावश्यक आहे.

Combine गट ब पूर्व परीक्षा ही फक्त वेळेच्या व्यवस्थापनाची परीक्षा आहे, त्यामुळे जो त्या 1 तासात पेपर काळजीपूर्वक सोडवणार तोच यशस्वी होणार. त्यामुळे येत्या महिन्यात किमान 25 पेपर पूर्ण करण्याचे टार्गेट तुम्ही ठेवायला हवे. सरावासाठी मार्केट ला नामवंत clasees चे सराव पेपर उपलब्ध आहेत ते तुम्ही काळजीपूर्वक सोडवू शकता..

२. दुसऱ्या गटातील विद्यार्थ्यांनी आता त्यांचा combine mode चालू केला पाहिजे. राज्यसेवा पूर्व 2024 चा पेपर कसा गेला ? किती मार्क्स आले ? Cut off किती असेल ? या चर्चे पेक्षा तुम्ही combine च्या तयारी कडे आवर्जून लक्ष द्या.

आता तुम्ही ( राज्यसेवा ग्रुप ) combine साठी नवीन काय करणार ?

1. Csat ची खूप चांगली तयारी करा. गणिते 20 पैकी किमान 15 बरोबर आले तरच तुम्ही मुख्य साठी सहज पात्र व्हाल हे लक्षात घ्या.

2. चालू घडामोडी व्यवस्थित करा. राज्यसेवा पूर्व साठी तुम्ही एप्रिल- मे 24 पर्यंत चे current केला असेल , अशी अपेक्षा केली तरी तुम्ही नोव्हेंबर पर्यंत चे current affairs करणे आवश्यक आहेच. त्यामुळे daily current साठी वेळ राखून ठेवा. राज्यसेवा पूर्व परीक्षेत आलेल्या current च्या प्रश्नाचे विश्लेषण करता लक्षात येते की current वाचताना बारकावे पाहायला हवेच!!

3. महाराष्ट्र इतिहास व भूगोल आवर्जुन करा..

4. सराव प्रश्न सोडवा, PYQ विश्लेषण कराच..

आता राज्यसेवा पूर्व 2024  च्या अनुषंगाने थोडं combine च prediction पाहू..

१. राज्यशास्त्र :

- घटनेची कलमे खूप चांगली पाठ करा. आयोगाचा trend थेट कलमे विचारण्यावर दिसतोय.

- संविधानिक- वैधानिक संस्था नीट करा

- पंचायत राज बघून घ्या..

२. भूगोल :

-  24 च्या पूर्वचे विश्लेषण पाहता पुन्हा ध्यानात येईल की आयोग conceptual - factual खेळत आहे.  त्यामुळे concept सोबत fact माहिती असू द्या.

-( प्राकृतिक , राजकिय , नदीप्रणाली , खनिजे ,अभयारण्य , पर्यटन - तोंडपाठ असू द्या)

- लोकसंख्या data खूपच भारी करा. राज्यसेवेला तीन प्रश्न आलेत.

- भारत भूगोल पण करा..

३. इतिहास 

- base source + notes + 11 वी जुने पुस्तक+ समाजसुधारक  + PYQ = best combination

- कुदळे सरांना follow करत असाल तर उत्तमच!

४. विज्ञान -

- , Base source Basic concept  नीट करा. Numerical येऊ शकतात

- plant kingdom , animal kingdom  चांगलं करा

- बाकी जे विज्ञान येईल ते पेपर मध्येच takle करू.

५. अर्थशास्त्र 

- आयोग गेले 2-3 exam पासून अर्थशास्त्रास danger flag दाखवत आहे. Thinker , economist , ycmou बरेच source दिसत आहेत पण तुम्ही basic वर stick राहा. Base book खूप मस्त करा. झालेल्या पेपरचे इकॉनॉमिक्स चे प्रश्न खूप काळजीपूर्वक बघा. Conceptual प्रश्नाचा approach बघा.

६. चालू घडामोडी

- परिक्रमा/ इयर बुक नीटपणे वाचा. सगळं पुस्तकातच आहे, वाचायची गरज आहे.

- थीम predict करायला शिका, त्यावर focus करा.

( उदा. राज्यसेवा पूर्व मध्ये संसद , नारी शक्ती वंदन अधिनियम, स्वामिनाथन , aditya L1 , नर्गिस मोहम्मद हे मुद्दे prediction ला होते)

७. CSAT 

रोज 2 तास प्रॅक्टिस कराच.

विशेष टीप:

State board चे boxes नीट करा. कोकण रेल्वे , SAFAR इंडेक्स हे प्रश्न तिथूनच येत आहेत.

बाकी combine हा knowledge व time management चाच game आहे. त्यामुळे खूप चांगली practice करा. 70+ चं target ठेवा.. desk ला लिहून ठेवा.. एक महिना जोमाने अभ्यास करा.. यश तुमचंच आहे..

वातावरणाविषयी माहिती

पृथ्वी भोवतीच्या हवेच्या आवरणास वातावरण म्हणतात. वातावरणाचे खालील स्तर पडतात.

1. तपांबर

भूपृष्ठापासून तेरा किलोमीटर ऊंची पर्यंतच्या हवेच्या थर तपांबर म्हणून ओळखला जातो. या थराची विषुववृत्तावरील जाडी जवळजवळ सोळा किलोमीटर असून ध्रुवावर ती सहा किलोमिटरच्या दरम्यान आहे.

समुद्रसपाटीपासून जसजसे उंच जावे तसतसे तापमान कमी कमी होत जाते. या कारणामुळे समुद्रसपाटीपासून उंच ठिकाणी थंड हवेची ठिकाणे निर्माण झालेली आहेत.

2. तपस्तब्धी

भुपृष्ठापासून जवळजवळ दहा किलोमिटरच्या उंचीपर्यंत वातावरणाच्या तापमानात सतत घट होत जाते. त्यानंतर तीन किलोमीटरच्या थरातील तापमानात कोणताही बदल होत नसल्यामुळे वातावरणाचा हा थर स्थिर तापमानाचा थर म्हणून ओळखला जातो. या थराला तपस्तब्धी असे म्हणतात.

3. स्थितांबर

तपस्तब्धीनंतर वातावरणाच्या या थराला सुरुवात होते. स्थितांबराच्या या भागाची जाडी जवळजवळ 13 ते 50 किलोमीटर पर्यंत आहे. या थरामधील सुरुवातीच्या 32 ते 40 किलोमीटर उंचीच्या भागात तापमान सारखेच आढळते. स्थितांबरामध्ये खालील स्थराचे अस्तित्व आढळते.

ओझोनोस्पीअर – स्थितांबराच्या खालच्या भागात ओझोन वायुचा स्तर आहे. हा थर ओझोनोस्पीअर या नावाने ओळखला जात असून या थरामध्ये सूर्यापासून आलेली अल्ट्राव्होयलेट किरणे शोषली जातात.

मध्यांबर – स्थितांबरचा वर मध्यांबर आहे. या भागात तापमानाचे प्रमाण सर्वात कमी आहे.

4. आयनाबंर

मध्यांबराच्या पलीकडील हवेच्या भागास आयनांबर म्हणतात. या थराची जाडी 80 ते 500 किलोमीटर पर्यंत आहे. या भागात हवेचे अत्यंत विरळ अस्तित्व आहे. सूर्यापासुन आलेल्या अल्ट्राव्होयलेट किरणाची हवेच्या अणूवर प्रक्रिया होऊन तेथे आयनांबर थर निर्माण झालेला आहे. यामध्ये खालील स्तर आढळतात.

इ-लेअर – या थरातील 100 ते 208 किलोमिटरचा थर इ-लेअर (E-Layaer) म्हणून ओळखला जातो. या थरामधून पृथ्वीवरील नेभोवाणीकडून निघालेल्या मध्यम रेडिओ लहरी पृथ्वीवर प्रवर्तित होतात.

एफ-लेअर – त्यानंतरचा थर (F-Layer) एफ-लेअर म्हणून ओळखला जातो. या थरामधून पृथ्वीवरील नभोवाणी केंद्रामधून निघालेल्या लघु रेडिओ लहरी पृथ्वीवर परावर्तीत होतात.

5. बाहयांबर

आयनाबंराच्या पलीकडील हवेच्या भागास बाहयांबर म्हणतात. या थरात उंचीनुसार तापमान वाढत जाते. या भागात हायड्रोजन सारख्या हलक्या वायूचे अस्तित्व आढळते.

❣❣❣❣❣❣❣❣❣❣❣❣❣❣

खटल्यांचे वर्गीकरण

💥 प्रस्तावनेसंदर्भातील खटले

1. बेरुबारी यूनियन वि. भारतीय संघ (1960)

2. गोलखनाथ वि. पंजाब राज्य (1967)

3. केशवानंद भारती वि. केरळ राज्य (1973)

4. इंदिरा नेहरू गांधी वि. राजनारायण (1975) 

5. मिनर्वा मिल वि. भारतीय संघ (1978)

💥घटनादुरुस्ती संदर्भातील खटले

▪️कलम 368

1. शंकरी प्रसाद वि. भारतीय संघ (1951)

2. सज्जन सिंग वि. राजस्थान (1954)

3. गोलकनाथ वि. पंजाब राज्य (1967) 

4. केशवानंद भारती वि. केरळ (1973)

💥मूलभूत हक्कांसंदर्भातील खटले

1. ए. के. गोपालन वि. मद्रास राज्य (कलम 13) (1950)

2. चंपकम दोराइराजन वि. मद्रास राज्य (कलम 15) (1951)

3. इंद्रा सहानी वि. भारतीय संघ (कलम 15) (1993)

4. मनेका गांधी वि. भारतीय संघ (कलम 21) (1978)

5. एस. आर. बोम्मई वि. भारतीय संघ (कलम 25 ते 28) (1994)

💥आणीबाणी संदर्भातील खटले

▪️कलम 352 ते 360

1. मिनव्हा मिल वि. भारतीय संघ (1980)

2. एस. आर. बोम्मई वि. भारतीय संघ (1994)

👉 यापूर्वी आपण basic structure संदर्भात सर्व खटले दिलेले आहेत ते सुद्धा परीक्षेपूर्वी वाचून घ्या.