जाणून घ्या महत्त्वाच्या घडामोडी

आजपासून विधानसभेचे हंगामी अधिवेशन

⚡ महाराष्ट्र विधानसभेचे अधिवेशन आजपासून मुंबईतील विधानभवनात सुरू होणार आहे.

💁‍♂ राज्यपाल भगतसिंह कोश्यारी यांनी हे अधिवेशन आमंत्रित करण्याचे निर्देश विधिमंडळाच्या सचिवांना दिले आहेत.

👨‍💼 विधानसभेचे हंगामी अध्यक्ष म्हणून कालिदास कोळंबकर यांची मंगळवारी नियुक्ती झाली आहे.

📍 नव्या विधानसभेतील 287 आमदारांना विधानसभा सदस्यत्वाची शपथ देण्याचे काम कोळंबकर करतील.

🙌🏻 शपथविधी : हे अधिवेशन किती दिवसांचे असेल याचा राज्यपालांच्या आदेशात कुठेही स्पष्ट उल्लेख नाही. मात्र सर्व नवनिर्वाचित आमदारांच्या विधानसभा सदस्यत्वाचा शपथविधी होईपर्यंत हे अधिवेशन सुरू राहील, असे अंदाज आहे.

🛰 ‘कार्टोसॅट-3’चे आज श्रीहरिकोटातून प्रक्षेपण

💁‍♂ पृथ्वीच्या प्रतिमा आणि मॅपिंग करणाऱ्या ‘कार्टोसॅट-3’ उपग्रहाच्या प्रक्षेपणाला अवघे काही तास उरले आहेत.

🏢 भारतीय अंतराळ संशोधन संस्थेने (इस्रो) दिलेल्या माहितीनुसार कार्टोसॅट-3 सोबत अमेरिकेच्या 13 नॅनो उपग्रहांचेही प्रक्षेपण होणार आहे.

⏳ श्रीहरिकोटा अवकाशतळावरील दुसऱ्या लाँचपॅडवरून 27 नोव्हेंबर रोजी सकाळी 9.28 वाजता कार्टोसॅट-3 च्या प्रक्षेपणाचे नियोजन इस्रोने केले आहे.

🗣 पीएसएलव्ही-सी 47 च्या प्रक्षेपण मोहिमेच्या 26 तासांच्या उलटमोजणीला श्रीहरिकोटात सतीश धवन स्पेस सेंटरवर सुरुवात झाली आहे, असेही इस्रोने म्हटले.